रसुवाको बाढीपछि नदीमा बगेर आएका माछा तथा खाद्यपदार्थ नखान प्रहरीको आग्रह

काठमाडौं । रसुवामा आएको बाढीपछि नदीमा बगेर आएका माछा तथा अन्य नदीजन्य खाद्यपदार्थ सेवन नगर्न नेपाल प्रहरीले सर्वसाधारणलाई आग्रह गरेको छ।

नेपाल प्रहरीले सामाजिक सञ्जालमार्फत सूचना जारी गर्दै बाढीसँगै नदीमा बगेर आएका माछा तथा अन्य नदीजन्य खाद्यपदार्थ नखान अनुरोध गरेको हो।

बाढीका कारण नदीको पानीमा विभिन्न किसिमका हानिकारक किटाणु, फोहोर तथा दूषित पदार्थ मिसिएको हुनसक्ने भएकाले नदीमा बगेर आएका खाद्य वस्तु सेवन गर्दा स्वास्थ्यमा जोखिम हुनसक्ने प्रहरीको भनाइ छ।

विशेषगरी बाढीपछि नदी तथा खोलामा बगेर आएका माछा, जलचर वा अन्य खाद्य वस्तु देखिएमा त्यसलाई संकलन गरेर उपभोग नगर्न प्रहरीले सर्वसाधारणलाई सचेत गराएको छ।

बाढी प्रभावित तथा नदी आसपासका क्षेत्रमा बसोबास गर्ने नागरिकलाई सतर्क रहन, दूषित पानी तथा खाद्यपदार्थबाट बच्न र सम्बन्धित निकायले जारी गरेका सुरक्षा सूचनाको पालना गर्न समेत आग्रह गरिएको छ।

बाढीपछि पानीको स्रोत र खाद्य वस्तु दूषित हुनसक्ने भएकाले सम्भावित स्वास्थ्य जोखिमबाट बच्न नागरिकले विशेष सावधानी अपनाउन आवश्यक देखिएको छ।

नेपाल प्रहरीले जारी गरेको सूचनाअनुसार नदीमा बाढीसँगै बगेर आएका माछा तथा अन्य नदीजन्य खाद्यपदार्थ सेवन नगर्न सर्वसाधारणलाई अनुरोध गरिएको छ।