वीरगञ्जमा हैजा फैलियो, ९३ जनामा संक्रमण पुष्टि

शुक्रबारदेखि सुरु भएको हैजाको प्रकोपसँगै सोमबार बेलुकीसम्म वीरगञ्जमा ९३ जनामा संक्रमण पुष्टि भएको छ। स्वास्थ्य कार्यालय पर्साका अनुसार संक्रमितहरू विभिन्न अस्पतालमा उपचाररत छन् तर संक्रमणको स्रोत अझै पत्ता लाग्न बाँकी छ। नारायणी र तराई अस्पतालमा समान ३२/३२ केस, राष्ट्रिय मेडिकल कलेजमा १२, अन्य अस्पतालमा थोरै केस देखिएका छन्। हालसम्म ३४४ बिरामी अस्पताल पुगेका मध्ये २७ जना आईसीयूमा उपचाररत छन्।