गैरकानूनी रूपमा प्रहरी महानिरीक्षकबाट हटाइएको दाबी गर्दै दानबहादुर कार्कीद्वारा सर्वोच्च अदालतमा रिट दर्ता।

काठमाडौं: आफूलाई गैरकानूनी रूपमा प्रहरी महानिरीक्षकबाट हटाइएको दाबीसहित दानबहादुर कार्कीले सर्वोच्च अदालतमा पेश गरेको रिट निवेदन दर्ता भएको छ। बिहीबार वकिलहरूमार्फत पेश गरिएको उक्त रिट अध्ययनको क्रममा रहेकाले शुक्रबार मात्रै औपचारिक रूपमा दर्ता भएको सर्वोच्च अदालत प्रशासनले जनाएको छ।

रिट दर्ता भएसँगै अब नियमानुसार सुनुवाइका लागि पेशी तोकिनेछ। सरकारले निवर्तमान प्रहरी महानिरीक्षक कार्कीलाई पदबाट हटाएर प्रधानमन्त्रीको सुरक्षा सल्लाहकारको जिम्मेवारी दिएको थियो। तर, कार्कीले भने मन्त्रिपरिषद्को निर्णय सम्बन्धी पत्र अहिलेसम्म बुझेका छैनन्।