जनकपुरधाम: मधेशमा जसपा, एमाले र नेकपाको नयाँ सत्ता समीकरण बन्दैछ।

जनकपुरधाम: मधेश प्रदेशमा जसपा नेपाल, नेकपा एमाले र नेपाली कम्युनिस्ट पार्टी सम्मिलित नयाँ सत्ता समीकरण बन्ने भएको छ। एमाले अध्यक्ष केपी शर्मा ओली, नेकपा अध्यक्ष पुष्पकमल दाहाल 'प्रचण्ड' र जसपा नेपाल अध्यक्ष उपेन्द्र यादवबीच शीर्ष तहमा सहमति जुटिसकेको छ। एमाले संसदीय दलका नेता सरोज कुमार यादवका अनुसार नयाँ सरकार गठनको तयारी करिब पूरा भएको छ।

गएको असोज ३० गते एमालेले समर्थन फिर्ता लिएपछि वर्तमान नेपाली कांग्रेस नेतृत्वको सरकार अल्पमतमा परेको थियो। स्रोतका अनुसार नयाँ सरकारको नेतृत्व जसपा नेपालले गर्ने निश्चितप्रायः छ भने जसपा मधेश प्रदेश संसदीय दलका नेता सरोज कुमार यादव मुख्यमन्त्री बन्ने प्रबल सम्भावना रहेको छ।